Otsailetik martxora hiru langabe guttiago zenbatu dituzte eskualdean eta 945 lagun dira gaur egun enplegurik gabe daudenak. Hala ere, joan den urteko martxoko datuekin alderatuz, nabarmen egin du goiti: 2020an garai honetan baino 158 gehiago dira aurten. Sexuaren arabera, langabezia daudenen artean, erdia baino gehiago emakumezkoak dira. Ikusi hemen langabeziaren bilakaera, eta herriz herriko datuak.
Otsaila 948 langaberekin bukatu zen Doneztebeko Enplegu Bulegoan, eta hiru guttiagorekin, 945ekin egin du martxoa. Langabezian dauden artean, emakumezkoak dira gehienak: %56,2 emakumezkoak eta %43,8 gizonezkoak.
Gainerakoan, Nafarroa osoko enplegu bulegoen arabera, Doneztebekoa da langabezia-tasarik baxuena duena.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.