Hasteko aholku on bat: hartu ohitura gasaren eta elektrizitatearen fakturak irakurtzeari 5-10 minutu eskaintzeko etxera iristen direnean: zenbat kilowatt-ordu kontsumitzen dituzun, kilowatt horietako bakoitza zenbat kostatzen zaizun, eta abar. Aztertu fakturetan egoten diren grafikoak, hilabete bakoitzean gehiago edo guttiago kontsumitzeko joera ote duzun egiaztatzeko, eta pentsatu zeintzuk izan daitezkeen horren arrazoiak (ordutegi aldaketak, etxean lagun gehiago izatea, etxetresna elektriko berriak, eta abar).
Ordutegi-diskriminazioa
Kontsumoa nola murriztu dakitenen artean (%35), erabiltzen duten neurririk hedatuena ordutegi-diskriminazioa da. Ordutegi-diskriminazioari esker, argiaren prezioa merkeagoa da energia gastatzen den ordu-tartearen arabera. Oro har, aurrezpen handiagoa lortzeko, etxeko planifikazioa eta ohiturak egokitzea beharrezkoa da, hala nola etxetresna elektrikoak, garbigailua edo ontzi-garbigailua, argindarra merkeen dagoen orduetan martxan jartzeko (normalean, gauekoak eta goizeko lehenengoak).
Kalkuluen arabera, batez bertze, etxe batek urtean gutienez hirurogei euro aurreztu ditzake ordutegi-diskriminazioarekin. Ziurrenik, ekainetik aurrera, argindarraren prezioak hiru tarte izanen ditu ordutegi diskriminazioz araututako tarifaren bezero guztientzat (PVPC edo Borondatezko Prezioa Kontsumitzaile Ttikiarentzat kontratua dutenentzat).
Kontratatutako potentzia aldatzea, kontsumo errealera egokitzen ez bada
Konparatu merkatuan daude eskaintzen artean eta kontuan hartu eskaintza batzuk lotuta dituzten zerbitzuak
Ikusi hemen kontsumoa murrizteko ohitura on batzuk
- A energia-efizientziako etxetresna elektrikoek % 50 energia gutiago kontsumitu dezakete.
- Kontsumo urriko bonbillek normalean baino 8 aldiz gehiago irauten dute.
- Mikrouhin-labe batek ohiko labeak gastatzen duen energiaren %60 eta %70 artean aurrezten du.
- Etxearen isolamendu termiko onak berokuntzan edo aire girotuan %30era arteko aurrezpen ekonomikoa dakar.
- Berogailuaren tenperatura-maila altuagoa den neurrian, gastua %6 eta %8 artean handitzen da.
- Garbigailuaren programa 30 gradutan jartzeak, 60 gradutan jarri beharrean, gastua erdira murriztea ekarriko du.
Autokontsumoa, bertze aukera bat
Eguzki-panelak edo energia-autokontsumorako sistemaren bat instalatzeko aukera ere baloratzea komeni da. Azterlan batzuen arabera, autokontsumoak %30 eta %50 arteko aurrezpena ekar diezaioke kontsumitzaileari. Hala ere, panelak instalatzeak inbertsio handia da eta aukera hori aukeratu aurretik, proiektuaren azterketa zehatza egitea komeni da.