Bisita gidatuen eskuorria karrikaratu du Baztan-Bidasoa turismo elkarteak

Ttipi-Ttapa 2021ko mar. 18a, 09:00
Arizkungo Ordoki zalditegia, eskuorrian ageri den 13 esperientzietako bat.

Aste Santurako paperean izanen da eta zubi honetarako webgunean eta QR kodeetan eskuragarri dago.

Aurten berriz ere bisita gidatuen eskuorria karrikaratu du Baztan-Bidasoa turismo Elkarteak. Aste Santurako eskuorriak paperean izanen dituzte. Zubi honetarako informazioa, berriz,  elkartearen webgunean eta QR kodeetan eskuragarri jarri dute, deskargatu ahal izateko.

Denera 13 esperientzia prestatu dituzte. Egoera berriari egokituta eta aforoa kontrolatzeko, guztiak aldez aurretik erreserbatu behar dira.

Bisita gastronomikoak daude, taloa eta gasna egiteko; bisita kulturalak, herrien historia ezagutzeko; abenturan murgiltzeko bisitak,…

Eskuorrian bisitak egiteko baldintzak zehazten dira: tokia, maiztasuna, ordutegia. QR an informazio guztia aurkituko duzu.

Bisita gidatuen eskuorria, Baztan-Bidasoa Turismoak sustatu eta Nafarroako Gobernuko Turismo, Merkataritza eta Kontsumo Zuzendaritza Nagusiak diruz laguntzen duen jarduera da.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun