Emaitza onak lortu dituzte eskualdeko txirrindulariek Kaparroson

Eneit Bertiz sunbildarra (ezkerrean) kadete mailan bigarren izan zen Kaparrosoko proban.

Mendi Bizikletako Rural Kutxa Kopako lehen proban elite mailan bizkorrena izan zen Aitor Begino igantziarra, kadete mailan bigarren Eneit Bertiz sunbildarra eta junior mailan hirugarren Koldo Herrera sunbildarra

Rural Kutxa BTT Kopako lehen proba egin zen larunbatean Kaparroson eta eskualdeko txirrindulariek mendi bizikletan bikain dabiltzala erakutsi zuten. Proba nagusian hirugarren izan arren, elite mailako lasterketa irabazi zuen Katea Bike tadeko Aitor Begino Irigoien igantziarrak. Kadete mailan bigarren izan zen Baztandarra taldeko Eneit Bertiz Apezetxea sunbildarra eta junior mailan hirugarren izan zen Umen taldeko Koldo Herrera sunbildarra.

Sub-23 mailan hogeita bosgarrena izan zen Gure Txokoako Ugaitz Larralde. Masters 30 kategorian 34. postuan sartu zen Beti Gazteko Gaizka Otxandorena eta 48. izan zen Victor Ganuza taldekidea. Masterr 40 kategorian, Iñaki Villoria baztandarra (Sarribikes) 24. izan zen, Ulibeltzak taldeko Igor Agesta sunbidarra 29., Garikoitz Larraburu taldekidea 54. eta Beti Gazteko Peio Lizartza 59.

Eskualdeko txirrindularien sailkapena kadete eta junior mailan

Kadeteak

2. Eneit Bertiz – Baztandarra Josenea-Malkorra-Cem2

5. Unax Eraso - Baztandarra Josenea-Malkorra-Cem2

6. Ivan Villoria - Gama-Muruzabal-Erro y Eugui

14. Beñat Zamora - Baztandarra Josenea-Malkorra-Cem2 

35. Markel Agesta - Baztandarra Josenea-Malkorra-Cem2 

37. Aritz Bikondo - Baztandarra Josenea-Malkorra-Cem2 

 

Juniorrak

3. Koldo Herrera - Umen

9. Hodei Aleman – Baztandarra Josenea-Malkorra-Cem2 

28. Martin Etxabe - Baztandarra Josenea-Malkorra-Cem2

31. Iraitz Iturralde - Baztandarra Josenea-Malkorra-Cem2 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun