Foruzaingoak, bere Delitu Informatikoen Taldearen bidez, SMS (smsing) formako mezuak ugaritzen ari direla ohartarazi du. SMS mezu horiek malware edo birus informatiko bat ekartzen dute eta, beraz, mezu horretan dagoen esteka ez irekitzea gomendatzen dute. Gehienak paketeak entregatzeko abisuen itxura hartzen dute, eta, biktima Internetez egindako erosketaren baten zain baldin badago, ez da zaila tranpan erortzea.
Birusak mugikorra kutsatu baldin badu, aplikazioa ezabatu egin behar da (Interneten badago segitu beharreko urratsei buruzko informazioa). Bertze aukera bat da sakelakoan dagoen informazio guztia gordetzea eta telefonoaren sistema berriz instalatzea.
