Adinari dagokionez, 35 eta 44 urte bitartekoak dira langabe gehienak. Adin tarte horretako 244 langabe daude, ilbeltzean baino 16 gehiago. 55 urtetik goitiko 218 langabe daude, urteko lehenbiziko hilabetean baino 11 guttiago. 45 eta 54 urte arteko 202 langabe daude, ilbeltzean baino zortzi guttiago. Gazteen artean egoera ez da hobea. 30 eta 34 urte arteko 97 langabetu daude (2 gehiago), 20 eta 24 urte arteko 87 (4 gehiago), 25 eta 29 urte arteko 82 (1 gehiago) eta 16 eta 19 urte arteko 18 (2 gehiago).
Alde handiarekin, zerbitzuen arloak segitzen du langabe gehien izaten, baina ilbeltzean baino bortz langabe gutiago zeuden otsail hondarrean, 705etik 700era pasatu baita kopurua. Industria arloan, berriz, goiti egin du langabeziak, 152tik 157ra (bortz gehiago). Eraikuntzan berdin mantendu da (39) eta nekazaritzan ilbeltzean baino lau gehiago dira (31). Aitzinetik lanik egin ez dutenen artean, 21 lagun daude langabezian, ilbeltzean baino bi gehiago.
Gainerakoan, emakumezkoak dira langabe gehienak, 948tik 533. Emakumeen artean goiti egin du langabeziak, ilbeltzean baino zortzi gehiago baitira. Gizonezkoen kasuan, ordea, bi guttiago dira.