Beti Gazteko futbol talde nagusiak urteko lehen partida jokatuko du igandean Mastegin

Ttipi-Ttapa 2021ko ots. 26a, 07:00
Deskargatu Info Ahotsak :
Español English Français Català Galego

Ia urtebete eta gero, konpetizioa bueltatuko da igandean Lesakako Mastegi futbol zelaira.

BKT eta Aurrera eskubaloiko jubenilak eta kadeteak eta Baztan eta Doneztebe futbol taldeetako jubenilak asteburu honetan hasiko dira lehian

Nafarroako Gobernuak agindutako neurriak arintzen doazen neurrian, kirol taldeak ere ari dira poliki-poliki konpetizioan sartzen. Asteburu honetan, eskubaloian, Baztango BKTko neska jubenilak eta kadeteak eta Aurrerako kadeteak hasiko dira eta futbolean, Baztan eta Doneztebeko mutil jubenilak. Gipuzkoako Preferente mailan jokatzen duen Lesakako Beti Gazteko futbol talde nagusiak ere igande honetan berrekinen dio denboraldiari. Joan den urteko urrian jokatu zuen denboraldiko lehen partida eta geroztik ezin izan dute jokatu. Joan den asteburuan Hernaniren kontra jokatzekoa zuten partidarako baimenik ez zuten izan, baina igande honetan Oiartzunen kontra ariko dira Mastegin.

FUTBOLA

Hirugarren mailan

CD Cortes – Baztan, larunbatean 16:30ean Cortesko San Francisvo Javier zelaian.

Gipuzkoako Preferente mailan

Beti Gazte – Oiartzun, igandean 16:00etan Lesakako Mastegin.

Nafarroako Preferente mailan

Doneztebe – CD Ondalan, larunbatean 16:00etan Doneztebeko Iñaki Indart zelaian.

Nafarroako jubenilen lehen mailan

Baztan – JD San Jorge, larunbatean 16:30ean Elizondoko Giltxaurdin.

CDF Itaroa Huarte – Doneztebe FT, larunbatean 16:30ean Uharteko Aretan.

 

ESKUBALOIA

Nafarroako Emakumezkoen Ligan

Baztango BKT – Lagunak, larunbatean 19:00etan Elizondoko kiroldegian.

Nafarroako neska jubenilak

Malkaitz - Baztango BKT, igandean 12:30ean Burlatako Elizgibela kiroldegian.

Nafarroako neska kadeteak

Baztango BKT – Agoizko KE, larunbatean 11:00etan Elizondoko kiroldegian.

Aurrera – Malkaitz, larunbatean 10:30ean Leitzako kiroldegian.

 

ERRUGBIA

Euskal Ligako lehen mailan

Valtecsa UBR - Sarako Izarra RT, Bilbon larunbatean 13:30ean.

 

Kirola

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!