Emaitza hauek zenbait ondorio utzi dituzte. Hastejko, Etxarri eta Zubiri txapelketatik kanpo gelditu direla. Hiru partidak galdu eta bi puntu bakarrik dituzte. Ezin dute zazpi puntura ailegatu eta, gaur egun zortzi puntu dituzten Urrutiak eta Aizpuruk ezin dute zazpi baino guttiago pilatu. Goikoetea eta Labakak lortu dute dagoeneko finalerdietarako sailkatzea, hiru partidak irabazi ondotik (12 puntu). Segurolak eta Zalduak hamar puntu dituzte eta hauek ere finalerdietan izanen dira. Urrutia II.ak eta Aizpuru III.ak zortzi puntu dituzte eta nahiko bideratua finalerdietarako txartela. Zaldua II.a eta Larrañagaren aukera bakarra gelditzen zaien bi partidak irabaztea eta Urrutia eta Aizpuruaren kontrakoan, hauek 25 tanto edo guttiagotan uztea da.
Oskar Urrutia saldiastarrak ere galdu egin zuen, baina hanka eta erdi finalerdietan dauka
Oriamendi txapelketako hirugarren jardunaldiko lehen partidak jokatu zituzten ortzegun arratsaldean Hernaniko Galarreta pilotalekuan eta eskualdeko bi erremontistek galdu egin zuten. Lehen partidan, Oskar Urrutia saldiastarrak eta Aizpuru III.ak 39-40 galdu zuten Goikoetxea V.a eta Labakaren kontra eta Aritz Zubiri goizuetarrak eta Etxarrik 34-40 galdu zuten Segurola eta Zalduaren kontra.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun