8,1 milioi euroko aurrekontua duen Ezkaba eta Olabe arteko lehen zatiaren lanak hasi ziren otsailaren 8an eta lanak urrian bukatzeea aurreikusi dute
N-121-A errepidea 2+1 bide bihurtzen hasi da, segurtasuna eta funtzionaltasuna hobetzeko. Maria Chivite Nafarroako Lehendakariak Ezkabako tuneletatik Olaberaino doan lehen zatiaren hasiera ikusi zuen otsailaren 8an, astelehen goizean, eta lan horiek udazkenean bukatzea espero dute. Lehen zati honen aurrekontua 8,1 milioi eurokoa da.
Bortz kilometroko zati honetan hiru biribilgune ere eginen dituzte, bat Orikaingo sarrera-irteeran, Ezkkaba kanpinarem eta Aguirre hostalaren bidegurutzean eta bertze biak Soraurengo iparraldeko eta hegoaldeko sarbideetan.
Lehen zati honetako bortz kilometroak egiteko ez dute trafikoa moztea aurreikusi, baina abiadura orduko 60 kilometrora murriztu dute eta batzutan txandakako videa emanen dute, abiadura orduko 40 kilometrora murriztuta. Hortaz, auto-ilarak izan daitezke.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.