Garfe pilota enpresak eta Tafallako Valsay enpresak antolatutako eskuz binakako pilota txapelketa ilbeltzaren 24an, igande eguerdian abiatuko da Zentronikon. Santxo eta Urruzola, Labaka eta Joseba Aldabe igantziarraren kontra ariko dira lehen partida horretan. Aldaberekin batera, Ugaitz Aldabe iturendarra izanen da eskualdeko ordezkaria txapelketa honetan.
Sei bikotek jokatuko dute txapelketa: Urbieta II.a eta Aizpuru, Prado eta Iturriaga, Uribe eta Merino II.a, Ugaitz Elizalde iturendarra eta Bergera, Labaka eta Joseba Aldabe igantziarra eta Santxo eta Urruzola. Euskal Herriko, Errioxako eta Gaztela-Leongo pilotalekuetan jokatuko den lehen faseko ligaxkan lehenbiziko postuetan sailkatzen diren lau bikoteek finalerdiak jokatuko dituzte eta finala, zuzenbidean, ekainean jokatuko dute.