Errepideetatik elurra kentzeko zailtasuna tarteko, asteburuan ezinbertzeko bidaiak bakarrik egiteko eskatu dute

Ttipi-Ttapa 2021ko urt. 8a, 11:00
Elurra kentzen aritzen direnek euren lana errazteko eta ezinbertzekoak ez diren bidaiak saihesteko eskatu dute.

Errepideak erabili beharra dituztenei «zerbitzurik onena» bermatzeko, mendateetara elurretara ere ez joateko galdegin dute

Elurrak eskualdeko hainbat mendi eta txoko zuritu ditu urte hasieran. Errepideetan elurra kentzen aritzen direnek «zenbait zailtasun» dituztenez, «errepideetako erabiltzaileei zerbitzurik onena bermatzeko» zenbait neurri hartzeko eskatu nahi izan diete.

Batetik, astebururako iragarritako elurtea tarteko, ezinbertzekoak diren bidaiak bakarrik egiteko galdegin dute. Eta bertzetik, elurra kentzeko makinek errepidea eta bazterrak behar dituztenez, herritarrei mendateetara (Artesiaga, Belate, Gorramendi, Agina, Otsondo...) aisialdira ez joateko eta etxean gelditzeko eskatu diete.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun