N-121-A errepidean, Lantzetik Belate aldera, elurraren ondoriozko bi istripu gertatu dira gaur arratsaldean eta hiru pertsonek zauri arinak izan dituzte. Han zeuden gidari batzuek erran dutenez, bi ordutik gorako auto-ilarak izan dituzte hainbat auto gurutzatu eta bidetik atera direlako.
Lehenengo istripuan auto bat errepidetik atera da eta kolpearen ondorioz bi bidaiari Nafarroako Ospitalera eraman dituzte zauriak sendatzeko. Handik minutu batzuetara, bertze istripu bat gertatu da. Auto batek kamioi bat jo du eta turismoko bidaiari bat Nafarroako Ospitalera eraman behar izan dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.