Ingurumena Babesteko Brigadari atxikitako foruzainek 12 ehiztariren kontrako salaketak jarri dituzte azaroaren lehen hamabostaldian, Ehizari buruzko Legearekin eta Armen Araudiarekin zerikusia duten hainbat arau-hausteengatik. Salatutako arau-hausteak Goizuetan, Arruitzen, Gorritin, Muniainen eta Baraibarren atzeman dituzte.
Hamar salaketa Ehizari eta Arrantzari buruzko 17/2005 Foru Legearen aginduak hausteagatik izan dira: lizentziarik ez aurkeztea, ehiza-barrutiko txartelik ez izatea, legez kanpoko usategiak, ehizalekuetatik kanpo ehizatzea, ehiza-arma erdiautomatikoak eramatea 3 kartutxo baino gehiagorako gaitasunarekin edo oilagorra ehizatzea txilin tradizionalik gabe.
Beste bi salaketak, Armen Araudia (137/93 ED) urratzeagatik jarri dituzte: bata, arma-lizentziarik gabe ehizatzeagatik, eta bestea, eskopeta gaitasunik gabeko pertsona bati uzteagatik.
Salaketak Nafarroako Gobernuko Ingurumen Departamentura eta Gobernuaren Ordezkaritzara igorriko dituzte zehapen espedientea irekitzeko. Armak, aldiz, konfiskatuak geldituko dira, arrazoiak konpondu arte.