Aizkolari gazteen binakako txapelketako lehen finalerdia jokatuko dute igandean Pobesen

Endika Goia beratarrak eta Joxan Etxeberria zigatarrak bikotea osatuko dute gazteen binakako txapelketan.

Bikote eginen duten Joxan Etxeberria zigatarra eta Endika Goia beratarra izanen dira eskualdeko ordezkari bakarrak lehen saioan

Aizkolari gazteen binakako txapelketaren lehen jardunaldia jokatuko dute azaroaren 22an, igande eguerdiko 12:00etan Pobesko (Araba) Urbigain pilotalekuan. Guztira sei bikote lehiatuko dira txapelketa honetan eta horietatik hiru ariko dira igandean, tartean Zigako Joxean Etxeberriak eta Berako Endika Goiak osatutakoa. Hodei Ezpeleta eta Axel Larrañaga, eta Suharri Rodriguez eta Jokin Urretabizkaia Basozabal izanen dituzte arerio.

Aitzinerago jokatuko den bertze finalerdian parte hartuko du Oier Larretxea beratarrak, Xuban Kañamares V.arekin bikoa osatuz. Unai Zabala eta Markel Zapiainek eta Ibai Soroak eta Ibon Garaiburuk ere parte hartuko dute bigarren finalerdi horretan.

Igandean Pobesen jokatuko den jaialdian, binakako harrijasotze txapelketan ariko dira Jokin Eizmendi eta Gorka Etxeberria. Bina minutuko txandetan ariko dira 175 kiloko harri laukizuzenarekin, 138 kiloko kubikoarekin, 100 kiloko zilindro zaharrarekin eta 100 kiloko borobilarekin.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun