Aresoarrak lehen mailako finala galdu zuen Iruritaren kontra eta igantziarrak bigarren mailakoa Oskozen kontra
Joan den igandean, azaroaren 1ean, Iruñeko Labrit pilotalekuan jokatu ziren eskuz banakako senior mailako Nafarroako txapelketako finalak, eta Oberenako Josu Irurita eta Javier Oskoz izan ziren txapeldun, lehen eta bigarren mailan, hurrenez hurren, Irurtzun taldean ari den Anartz Olano aresoarrari eta Oberenako Oian Canabal igantziarrari irabazita. Argazkiak: Oberena Pilota Elkartea
Bigarren mailako finalean, Oberenako bi taldekide aritu ziren nor baino nor gehiago eta azkenean Oskozek 12-18 irabazi zion Oian Canabal igantziarrari.
Lehen mailako finalean, Irurtzun klubeko Anartz Olano aresoarrak eta Oberenako Iosu Iruritak jokatu zuten. Partida borrokatuan, Iosu Iruritak aurrea hartu zuen eta, azkenean, 18 eta 7 gailendu zen. Nolanahi ere, Anartz Olano aresoarra txapeldunordea da meritu handiko lana egin eta gero.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.