Itziar Gomez kontseilariak azaldutakoaren arabera, artikulu eta xedapen berriak barruti intentsiboei, barrutien gutieneko azaleraren salbuespenei eta ehiza babesteko behar adina zaintza-datu edukitzeko betebeharrari buruzkoak dira, ehiza antolatzeko planaren arabera.
Kontseilariaren arabera, «legea eguneratzeko beharra dago, horretan ari gara« eta «interesgarria izanen zen» Parlamentuko batzorde honetan ekarpenak jasotzeko batzorde txostengile bat martxan jartzea, lege proiektua idatzi baino lehen.
Kontseilariak azpimarratu duenez, «Legeak interes kontrajarriak jorratzen ditu», baina ehizak eta arrantzak «onurak» ekartzen dituzte eta, beraz, «momentuan momentuko beharrei erantzuteko gai izatea da helburua, betiere, legez eta bokazioz, natura-ingurunea bere osotasunean errespetatuz»