Laguntza hau eskuratzeko baldintzak eta eskaera lotura honetan ikusi daitezke, eta izen-emateko epea azaroaren 20an amaituko da.
Eskubide Sozialetako Departamentuak 2.975.000 euroko inbertsioa aurreikusi du deialdi honetarako. Baldintzak betetzen dituzten pertsona guztiek dirulaguntza eskura dezaten, beharrezkoa bada, inbertsioa handitzeko aukera ez du baztertzen.
Ahal dela, eskaera telematikoa hobesten da
Deialdiaren oinarriek ezartzen duten bezala, eskaerak eta beharrezkoa den dokumentazioa, ahal dela, telematikoki aurkeztea eskatzen da Nafarroako Gobernuaren Atariko Tramiteen Katalogoko webgunean www.navarra.es.
Eskaera egiteko, honako hauek aurkeztu behar dira: lan kontratua, aldi baterako enplegu erregulazioaren aurreko azken 12 hilabeteetako kotizazio oinarrien inguruko txostena eta lan-bizitzaren txostena (biak Gizarte Segurantzara eskatu behar dira); baita transferentzia bidez ordaintzeko eskaera ere.