Nafarroako 145.783 biztanlek hartu dute gripearen aurkako txertoa aurtengo kanpaina abian den lehen hilabetean; hau da, aurreko urteetan epealdi berean jarri izan dutenek baino %61 gehiagok.
Iaz 126.000 txerto dosi zituen erosiak Nafarroako Osasun sailak eta aurtengorako, aldiz, 270.000. Lehen asteetan hartu dituzte txertoa jartzeko eskaera gehien, eta horri erantzuteko aurten Internet eta telefono bidezko zerbitzua indartu du Nafarroako Gobernuak. Hemendik aitzinera, osasun etxeetara deitu beharko dute herritarrek eskaera egiteko, aurreko urteetan bezala.