Landa Garapeneko eta Ingurumeneko Departamentuak 2 milioi euro bideratuko ditu Covid-19aren krisiak bereziki eragindako nekazariei eta enpresa txiki zein ertainei (ETE). Dirulaguntza hau, bereziki, produktuak zuzenean saltzen dituztenei, gasna edo esnekien artisau enpresei eta mahats ekoizleendako izanen da.
Eskaerak azaroaren 11 arte aurkeztu ahal izanen dira, Nafarroako Gobernuaren Erregistro Orokor Elektronikoaren bidez.