- EPELek Josu Eskiroz, Jon Mariezkurrena, Unai Laso eta Victor Estebani kontratuak berritzeko proposamena eginen die, «bakoitza epe batean».
- Urteroko guttieneko soldata 25.000 eurotan finkatu dute, «beti ere jaialdiak antolatzen diren hiru autonomia erkidegoetan edukiera guttienez %80ra igotzen denean berriz ere».
- Estelarrak jokatzen dituzten pilotariek diru sari bat jasoko dute.
- Hego Euskal Herritik kanpo egindako joan-etorriengatik pilotariei dietak ordainduko dizkiete.
- Adostutako barne araudia indarrean jarriko dute.
- Entrenamenduei buruzko araudia aldatuko dute. Pilotariek aukeratu ahal izanen dute enpresak zuzendatutako entrenamenduetara joan edo euren kontura entrenatu.
- Soldatarik baxuenak dituzten pilotariei esklusibitate klausulak malgutuko dizkiete.
Horiez gain, bertze hainbat konpromiso hartu ditu EPELek bere gain, hala nola, botileroei, informazio eskubideari, lan egutegiari, lehiaketa egutegiari... dagozkienak.
Akordioa bi enpresetako pilotarien %90ak guttienez sinatu beharko dute eta Aspeko pilotariak ere horren parte izanen dira.
ELAk pilotarien taldea zoriondu du, «egin duten borrokagatik» eta argi utzi du «15 pilotari hauek egindako borrokarik gabe, akordio hori ez zela existituko, ez litzatekeela posible izanen». Sindikatuaren hitzetan, «akordio horrek erakusten du posible dela prekarietateari aitzin egitea antolakuntzaren bitartez».