Gobernuak, gehienez ere, 25.000 euroko dirulaguntza emanen dio proiektu bakoitzari, bakoitzaren inbertsioaren %80 finantzatuz. Zazpi proiektuetatik bi eskualdeko ekimenak dira:
- Plazaola Partzuergo Turistikoak Plazaolako Bide Berdearen ordezko bide bat egokituko du Bartolo tunelaren inguruan, Lekunberrin, 2019an eginiko azterlan baten arabera luizi-arrisku handia baitago bertan. Nafarroako Gobernuak 15.981,68 euro emanen ditu lan hau finantzatzeko.
- Zugarramurdiko Udalak, bere leizeen kudeatzailea den neurrian, Covid-19aren ondorioz museoan egin behar izan diren egokitzapen lanak finantzatzeko baliatuko du jasotako laguntza (21.087,67 euro). Izan ere, noranzko bakarreko ibilbidea sortu beharrak, ezinbertzean, hainbat esku-hartze egitea eragin du: leize txikiak ixtea, seinale berriak… Era berean, bisitarien pilaketak saihesteko harrera-gunean hainbat hobekuntza egin dira, eta hondaturik zeuden zenbait itxitura konpondu dira.
Nafarroa Ezagutzeko Sarea ekimenaren helburua landa eremuan dauden naturgune eta interes espazioak dinamizatu eta erakargarri bilakatzea da.