Xilaba 2020 Bertsolari Txapelketari segida emanez, Final Herenetako bigarren saioa jokatu zen Sohütako Herriko Gelan.
Saio honetako irabazlea Maddi Sarasua Laskarai izan zen, 323,5 punturekin. Honelaxe gelditu da sailkapena:
| 1. | Maddi Sarasua Laskarai | 323,5 |
| 2. | Egoitz Zelaia | 320,5 |
| 3. | Elixabet Etxandi Goienetxe | 301 |
| 4. | Maindi Murua Berra | 295,5 |
| 5. | Mizel Mateo | 289 |
| 6. | Iker Altuna | 273 |
Xilabako Bertsolari Txapelketaren Final Herenetako hirugarren eta fase honetako azken saioa, hurrengo larunbatean (urriak 31), lehiatuko da Izturitzeko Herriko Gelan. Odei Barroso Gomila, Maddi Ane Txoperena Iribarren, Xumai Murua Berra, Ramuntxo Christy, Xan Alkhat, eta Ortzi Idoate bertsolariekin. Saioaren ondotik erabakita geldituko da, Amets Arzallus Antiarekin batera zein bertsolari izanen diren Final Aitzinekotan kantatuko dutenak.
Saioa 17:00ean hasiko da. Ohi bezala, sarrerak lekuan berean erosi ahalko dira.