«Era guztietako prezioak eta kalitatea inportatzen laguntzen duten merkataritza libreko itunak, bertako produktuek lehiatzeko ahalmena» galtzen dutela salatu du EHNE sindikatuak. Gaineratu duenez, «osasun-pandemiak larriagotzen duen krisi ekonomikoarekin batera, abeltzainari ordaintzen zaion prezioa jaitsi bada ere, kontsumitzaileak ordaintzen duen azken prezioa bera da».
Sindikatuak ezinbestekotzat jo du haragitarako behien sektorean «Elikadura Katearen Legea garatu, zaindu eta aplikatzea». Kasu anitzetan, «ekoizleek beraien produktua kostu-preziotik beheiti saldu» behar izaten baitute.
Bertzalde, EHNEren iritziz, Nafarroako Gobernuak joan den asteartean onartu eta argitaratu zuen 30 euroko dirulaguntza positiboa da. Hala ere, horrelako laguntzak sektorean eskumena duten administrazioek haragi horren merkatuaren ohiko funtzionamendua zainduko balute beharrezkoak izanen ez liratekeela salatu du sindikatuak.