Zehazki, «aitzinetik hitzordua erreserbatzea zaildu, masifikatu, arreta atzeratu...» dela adierazi dute eskualdeko gizarte zerbitzuen mankomunitateek. Gehiago ere bada. Euren ustez, «egoerak okerrera» egin du. Izan ere, Covid-19aren ondotik, bulegoa ez dute berriz ireki. Eta hori itxita izateak gaur egun, herritarrengan ondorio zuzena du. Batetik, Iruñera joan behar dutelako gestioak egin ahal izateko, «horrek dakarren denbora, gastu eta arriskuarekin, batez ere N-121-A errepideko istripuen intentsitate handiagatik». Bertzetik, prestazioak modu telematikoan kudeatzea, «herritar gehienak ez dutenean horretarako behar den ezagutzarik ez baliabiderik».
Doneztebeko bulegoa ixteko susmoa dutela ere azaldu dute, eta horrek «galera» ekarriko lukeela diote: «Gizarte Segurantzak biltzen dituen gaiak ugariak dira: gurasotasun tramiteak, pentsioak, prestazioak, kotizazioak...».
Sinadura bilketa
Hori horrela, Doneztebeko Gizarte Segurantzaren bulegoa «egunero eta aurrez aurre berriro irekitzeko» sinadura bilketa abiatu dute.
- Bortzirietan gizarte zerbitzuen bulegoetan, udaletxean edo osasun etxean sinatzeko deia egina dute.
- Leitzaldean: Leitzako Astitz eta Maimur liburu-dendetan eta gizarte zerbitzuen bulegoan sinatzen ahalko da; Goizuetan Amaia kafetegian eta estankoan, Aresoko Sastinean eta Aranoko ostatuan.
- Baztanen eta Malerreka ere biltzeko asmoa dute.
- Online
Sinadurak urriaren 30era arte bilduko dituzte.