Kontziliaziorako Tokiko Itunak programako genero-berdintasuna sustatzeko ekintzen barnean, Cederna Garalur Elkarteak emakumeen aurkako indarkeriaren arloko prestakuntzari eta sentsibilizazioari buruz sei lantegi antolatu ditu. Prestakuntza honen helburu nagusia indarkeria-kasuak identifikatzeko eta tratu txarren aurrean erabilgarri dauden baliabideak ezagutzeko behar diren tresnak ematea da. Horrez gain, prestakuntza horren bidez, erakunde parte-hartzaileen arteko loturak sendotzen dira, eta indarkeria-egoeren eta tratu txarren aurrean fronte komun bat eratzen da.
Ordutegia
Prestakuntza bera da lantegi bakoitzerako: Sei lantegi eginen dira egun eta ordutegi desberdinetan, parte-hartzea errazte aldera. Saio birtualak izanen dira, azaroaren 3an, 5ean eta 9an, 2 orduko saioak, gaztelaniaz eta euskaraz. Gaztelaniazko saioak azaroaren 3an 10:00etatik 12:00etara, azaroaren 5ean, 9:00etatik 11:00etara, eta 9an 12:00etatik 14:00etara eginen dira. Bertzalde, euskarazko saioak, 16:00etatik 18:00etara izanen dira azaroaren 3an eta 5ean, eta 15:00etatik 17:00etara azaroaren 9an. Lantegietan gehienez ere 20 lagunek parte hartu dezakete. Ikastaroak Murgibe enpresak bideratuko ditu.
Argibide gehiago:
- Raquel Aldaz. Cederna Garalur Elkarteko teknikaria: 607678745. Posta elektronikoa: raldaz@cederna.es
- Izen-emateak: Murgibe. Posta elektronika: telletxea@murgibe.com. Telefonoa: 662429368.