Aitzina Ipar Euskal Herriko gazte ezkertiar eta abertzaleen antolakundea gisa definitzen zuen bere burua, eta justizia soziala eta Euskal Herri aske baten alde borrokatzea zuen oinarritzat. «Historia ez da gurekin hasten. Belauniko egoteari uko egin dion beste belaunaldi bat baizik ez gara. Borrokak merezi du, nehork nehoiz ez baitu baimenik galdegin historia aldatzeko! Bada bidea. Euskal Herriaren askatasunaren alde» lelopean, urriaren 5ean jarduna etetea erabaki dute.