Euskal Herriko Kirol Federazioak ez dituela «esandakoak» bete salatu dute aizkolariek. Federazioak ekainaren 29an Euskal Herriko txapelketa ez antolatzeko erabakia hartu ondorengo «utzikeria» salatu dute. Horregatik euren aldetik lehiaketa bat prestatzea erabaki dute. Urriaren 25ean, Zestoan jokatuko dute hamabi aizkolarik eta sei onenak azaro bukaeran Iruñean jokatuko den finalera pasako dira.
Bigarren mailako aizkolariek zuzenean finala jokatzea erabaki dute. Oraindik tokia eta data zehazteko daude.