Goizueta, Arano, Leitza, Areso, Larraun, Lekunberri, Araitz, Imotz, Atetz eta Basaburuko baserritarren elkartea sortzeko asmoa uda aurrekoa da. Orduan adostu zuten Mendialdeko baserritarren elkarteko helburuak, irizpideak, antolaketa funtzionamendua eta hemendik aurrerako ekintzak finkatzeko saioak eginen zirela irailean.
Hiru saio izanen dira guztira, lehenengoa gaur arratsaldean, irailaren 23an, 18:30ean, Larraungo Udaletxean. Bigarren saioa irailaren 30ean izanen da eta hirugarrena urriaren 7an. Bi saio hauek 18:30ean izanen dira eta lekuak oraindik zehaztu gabe daude.
COVID-19aren egoera dela eta saio bakoitzean hartu beharreko neurriak kontuan hartuko direla esan dute eta aurretik izena eman beharko da.