Joan den larunbatean, irailaren 12an, jokatu zen Nafarroako koxkor biltze txapelketa Antsoainen. Gizonezkoen artean, Unai Iantzi aniztarra nagusitu zen, Aitor Blanco txantrearrari 17 segundoko aldea aterata (06:27). Hirugarren izan zen Asier Gamio berroetarra (06:35) eta Joanes Rekalderi minutu erdiko aldea atera zion (07:06).
Emakumezkoen artean, Maika Ariztegi nagusitu zen (07:32). Elsoko Ainhoa Iraizozek bortz segundo gehiago behar izan zituen (07:37). Hirugarren sailkatu zen June Etxeberria (08:08) txantrearra eta laugarren Irune Biurrun antsoaindarra (08:25).