Gurasoentzako gaixo-agiriak eskuratzeko baimenak ez dira modu berean kudeatuko Hegoaldean eta Iparraldean. Izan ere, Espainiako Gobernuak bakartuta dauden baina negatibo eman duten haurren gurasoei agiria ematea baztertu du. Joan den astean Isabel Zelaa Gobernuko Hezkuntza ministroak, itxialdia egin behar duten gurasoentzat aukerak aztertzen ari zirela aipatu arren, Maria Jesus Monterok atzo errandakoaren arabera, gurasoek gaixo-agiria haurrek positibo ematean bakarrik eskuratu ahal izanen dute.
Iparraldean, berriz, haurrak konfinatuz gero ikasgela horretako gurasoei gaixo-agiria eginen dietela aipatu dute, nahiz eta haurrak negatibo eman. Kasu horretan gurasoek arduratu beharko dute ikaslearen hezkuntzaz.