Lasterketa egungo egoerara egokitzeko plan bat landu duten arren, egungo bilakaerak «aldagai gehiegi» dituenez eta «partaide, boluntario, osasun langule... baita festa bilakatzen duten ikusleen segurtasuna bermatzea funtsezkoa» denez, Behobia-Donostia lasterketarik ez dute eginen aurten.
Izena emana zutenek heldu den urterako edo 2022rako gorde, dirua itzuli (sei euro kenduta) edo izena emateko ordaindutakoa (osorik edo zati bat) dohaintzan emateko aukera izanen dute. Horretarako, galdetegi bat pasatuko dute eta irailaren 30a baino lehen hiru aukeretako bat hautatu beharko dute. Erantzunik ez badago, izen-ematea 2021eko lasterketarako gordeko dute.