Kutxabank Torneoaren lehenengo fase bihar itxiko da Galarretan, Aritz Juanenea saldiastarraren eta Zubiri goizuetarraren arteko eta Larrañaga eta Segurolaren arteko partiduekin. Larrañaga eta Juaneneak gertu dute sailkapena eta Zubirik eta Segurolak askoz ere zailagoa dute asteartean ate irekiekin jokatu ziren bi partiduak galdu ondotik.
Zubirik 30-18 galdu zuen Aizpuru III.aren aurka eta Segurolak 30-26 Zalduaren aurka. Honela, Zaldua kanpoan dago jadanik eta talde horretan Larrañagak 18 tanto egitearekin nahiko du sailkatzeko. Segurolak irabazi eta 17an edo gutxiagoan utzi behar du aurkaria sailkatu nahi badu.
Beste taldean oraindik hiru erremontistek dute aukera. Zubirik du zailena, derrigortua baitago irabaztera ez ezik, Juanenea 12an edo gutxiagoan uztera. Juanenea berriz derrigortuta dago 28 tanto egitera sailkatu nahi badu. Juaneneak ez baditu 28 tanto egiten Aizpuru III.a sailkatu litzateke.
Denen helburua ostiraleko Kutxabank Torneoaren aurkezpen ekitaldian egotea da. Bertan gehituko zaizkie Ansa II.a, Endika, Urriza eta Barrenetxea IV.a.
Biharko jaialdian hiru partida
Biharko gaialdian hiru partidu jokatuko dira. Juanenea-Zubirik lehenengoan jokatuko dute eta Larrañaga-Segurolak hirugarrengoan. Bigarren partida eta estelarra binaka izango da. Berta, Etxarri eta Barrenetxea IV.a hernaniarrak, Urriza eta Aizpuru III.a izango dituzte aurkari. Partidu gogorra eta borrokatua espero da.