Nafarroako Gobernuko Landa Garapeneko eta Ingurumeneko Departamentuak laguntza-deialdi bat onartu du, goi-mendiko ardi- eta ahuntz-azienden ustiategietan eta zailtasun bereziko eremuetan esnea biltzeko dauden arazoak konpentsatzeko. Laguntzaren gehieneko zenbatekoa 450 eurokoa izanen da ustiategi bakoitzeko Eskaerak abuztuaren 28ra arte aurkeztu ahal izanen dira.
Laguntza hauek jaso ahal izanen dituzte urte honetan gutxienez bi hilabetez ekoizleei esnea bildu dietenek.
Honako udalerri hauek jotzen dira goi-mendikotzat: Abaurregaina, Abaurrepea, Ameskoa, Araitz, Aranaratxe, Arantza, Arano, Areso, Artze, Aria, Aribe, Baztan, Bertizarana, Betelu, Auritz, Burgi, Castillonuevo, Donamaria, Etxalar, Elgorriaga, Eratsun, Erro, Ezkaroze, Espartza Zaraitzu, Eulate eta Ezkurra. Gainera, kategoria berean sartzen dira udalerri hauek: Galoze, Garaioa, Garde, Garralda, Goizueta, Goñi, Gorza, Isaba, Ituren, Izaldu, Jaurrieta, Beintza-Labaien, Lana, Larraona, Leitza, Lesaka, Nabaskoitze, Otsababia, Oiz, Orbaitzeta, Orbara, Oronz, Oroz-Betelu, Petilla de Aragón, Romanzado, Erronkari, Orreaga, Saldias, Doneztebe, Sartze, Sunbilla, Urdazubi, Urraul, Urroz, Urzainqui, Uztarroz, Luzaide, Bera, Bidangoz, Hiriberri, Igantzi, Zubieta eta Zugarramurdi.
