Nafarroako Gobernuak 5 milioi euro emanen dizkie 10.000 biztanle baino gutiagoko udalei, despopulazioaren aurkako jarduerak finantzatzeko

Marizeneko Zubia, Iturenen.

Nafarroako Gobernuak 5 milioi euro banatuko du aurten 10.000 biztanle baino gutxiago dituzten Nafarroako 265 udalerriren artean. Udalei finantziatuko zaizkien jarduera horiek 2020ko ekitaldian gauzatu beharko dira, Determinazio Libreko Tokiko Inbertsioen Planaren baitan.

Horrela, 2.000 biztanle baino gutiago duten 212 udalerrik, 16.518 euro jasoko dituzte udalerri bakoitzak; 2.000 eta 3.000 biztanle artean dituzten 23 udalerrik 26.000 euro bakoitzak; eta 3.000 eta 10.000 biztanle arteko 25ek 36.000 euro udalerri bakoitzeko.

Azpimarratzekoa da inbertsio horiek helburu hauetako bat edo batzuk bete beharko dituztela:

  • lurraldean eragina izatea, jarduerak edo biztanleria oro har instalatzen edo mantentzen laguntzea;
  • biztanleriari zerbitzuak eskuratzen laguntzea eta zerbitzu publikoen kalitateari edo hobekuntzari eustea;
  • demografia-erronkari laguntzea, gazteak finkatzeko eta erakartzeko edo zahartze aktiboa izateko neurriak hartuz;
  • bizitza-kalitatea eta landa-ingurunearen ongizatea hobetzeko balio izatea; 
  • lurraldearen suspertzea.

Determinazio Libreko Toki Inbertsioen Planeko ekarpen horiek bateragarriak izanen dira bertze erakunde publiko edo pribatu batzuetatik emandako ekarpenekin, 2017-2019ko Toki Inbertsioen Planeko ekarpenekin edo udalerrien eta kontzejuen ekonomia eta gizartea suspertzeko kapital-transferentzien Funts Bereziaren ekarpenekin. Funts hori 25 milioi euroko kreditu berezi baten bidez sortu da, baina guztien baturak ezin du egindako inbertsioaren %100 gainditu.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun