'Akelarre' filma Donostia Zinemaldia 2020 jaialdiko Sail Ofizialean lehiatuko da

'Akelarre' filmaren grabaketa, Saran. Argazkia: David Herranz

Pablo Agüero argentinarrak zuzendutako drama historikoaren zenbait irudi eskualdean grabatu ziren, Lesakan eta Saran

Pablo Agüeroren seigarren film luzea, Akelarre, Urrezko Maskorra eskuratzeko lehiatuko da 68. Donostia Zinemaldian; jaialdia 2020ko irailaren 18tik 26ra eginen da. Sail Ofizial batean lehiatuko da, Sharunas Bartas, Naomi Kawase, François Ozon eta Thomas Vinterberg zinemagileen azken lanekin batera. Akelarre drama historikoa da, eta ikuspuntu garaikide eta femeninoa du. Eskualdean ere grabatu zituzten zenbait irudi, Saran eta Lesakan, konparaziora.

Urriaren 2an estreinatuko dute Akelarre, Zinemaldian parte hartu eta egun gutxira, Avalon-ek filmak banatzen dituen zinema-aretoetan egonen da ikusgai.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun