Urriko lehen asteburua aukeratu dute ANFASen alde VII. Nafarroako Elkartasun Lasterketa egiteko, eta berrikuntza handiak izanen ditu, egungo egoera dela eta, ekitaldia modu birtualean eginen baita. Aurreko sei edizioetan egin bezala, Laboral Kutxak, Elkartasun Lasterketaren sustatzaileak, izena emateko 12 euroak ANFASera bideratuko ditu oso-osorik.
Nafarroako kirol eta elkartasun hitzordu garrantzitsuenetako bat ez galtzeko asmoz, baina, aldi berean, parte-hartzaileen segurtasuna bermatzeko eta egungo araudia betetzeko, Laboral Kutxak eta ANFASek lasterketa mantentzearen eta aurten beste modu batera egitearen aldeko apustua egin dute.
Sistema erraza da: urriaren 2an, ortziralea, 16:00etan hasi eta urriaren 4a arte, igandea, 13:00ak arte, korrikalariek lasterketa egin ahal izanen dute, eta APP baten bidez erregistratuko da telefono mugikorretik.
Planteamendu horrek parte-hartzaileari aukera ematen dio erosoen zaion tokitik lehiatzeko, ibilbidea, gunea, ordutegia aukeratuz. Egin behar duen gauza bakarra da ‘Lasterketa hasi’ botoia ematea, zeina antolakuntzak ekitaldirako ezarritako ordutegi-tartean egongo baita eskuragarri. Ordura arte nahi adina entrenamendu egin ahal izango dira, nork bere marka neurtzeko eta sare sozialetan partekatzeko.
BERRIKUNTZAK:
- Enpresen Kategoria gehitu da: enpresaka lehiatu ahal izanen da (inskripzioan adierazita), navarracapital.es-en babesletzari esker.
- 5 eta 10 km korritzeko modalitateei, herri ibilaldia eta Handbike gehitu behar zaizkie.
- Edozein lekutatik egin daiteke, eta horrek aukera ematen du mundu osoko pertsonen aurka lehiatzeko, ohiko ingurunetik irten gabe.
- Ekitaldiak ia asteburu oso batera zabaltzen du ordutegia.
- Kamiseta teknikoak etxean jaso ahal izanen dira.
- Dortsala digitala izanen da, eta izena eman ondoren jasoko da.
- "Casolina por el mundo" argazki-lehiaketa "Concurso casONline" bihurtzen da: aurreko edizioetako kamisetekin lasterketarako entrenatzen ari diren pertsonen argazki onena sarituko da.
JARRAITU BEHARREKO URRATSAK
- Izen-ematea web orrian: https://web.rockthesport.com/es/es/master/evento/casonline
- "Rockthesport Virtual" aplikazioa irailaren 1etik aurrera deskargatzea.
- Entrenamenduak hasten dira: erregistroa eta markak eta ibilbideak partekatzeko aukera.
- Lasterketaren asteburuan, APPn "Lasterketa hasi" botoia gaituko da… eta gozatzera!!!!
- Irabazleen sailkapena eta sariak.