Iruñeko Alde Zaharreko VI. Erremonte txapelketako hirugarren jardunaldian ere nagusi izan zen Xanti Uterga doneztebarra. Gacesekin bikote eginez 35-25 irabazi zieten Josetxo Ezkurra II.a doneztebarrari eta Agirrezabalari. Bigarren mailako partidan, Beñat eta Otanok 35-28 iranazi zieten Doneztebeko Aimar Jabalera eta Oizko Aimar Saldiasi.
Larunbatean jokatutako laugarren jardunaldian, lehen mailan, gipuzkoarren arteko lehian, Zeberio II.ak eta Azpirozek 35-26 irabazi zieten Matxin III.a eta Ioni eta bigarren mailakoan, Aldabe eta Barricart-ek 35-21 irabazi zieten Erburu eta Julen Larretxea doneztebarrari.
Datorren asteburuan jokatuko dira ligaxkako azken jardunaldiak eta honenbertzez, erabakiak geldituko dira finalaurrekoetako gurutzaketak.