Nafarroaren Albaitarien Elkargoak jakinarazi du 2020ko Amorruaren aurkako kanpaina bertan behera gelditu dela, «Covid-19ak eragindako egoera larriagatik». Eta gogorarazi nahi izan dute, «Nafarroan amorruaren aurkako txertoa derrigorrezkoa dela 4 hilabete baino gehiagoko txakurrentzat», eta gainera, txerto batetik bestera, «bi urte baino gutxiago» igaro behar dira. Derrigortasun hori, jabeen ardura dela azaldu dute eta hortaz, «legez ezarritako epean txakurrari txertoa jartzeko ohiko albaitariarengana jo dezakezue».