Uztaileko asteburuetarako Baztan-Erreka laxoa kopa antolatu du Laxoa elkarteak. Finala abuztuaren 2an jokatuko dute Arraiozen eta hamaika taldek eman dute izena, tartean, lehen aldiz, Donibane Lohizuneko Luzean taldea ariko da. Lapurtarrekin batera, Doneztebeko sei taldek, Arraiozko bik eta Irurita eta Oizko banak jokatuko dute, kanporaketa sistemarekin.
Hamaika talde izanik, zozketaz bat (Irurita) bigarren fasera zuzenean pasa da eta bertze hamar taldeek kanporaketa zuzenak jokatu dituzte, bortz jokoetako joan-etorriko bi partida. Bigarren fasean, bortz talde irabazleak, zozketaz libre suertatu den taldea eta bi galtzaile onenak ariko dira, zortzi talde guztira. Kanporaketa hauetako lau talde irabazleek finalerdiak jokatuko dituzte eta irabazleek finala abuztuaren 2an Arraiozen, bederatzi jokoetara.
Taldeak
ARRAIOZ - SAGARDIA: Mikel MINDEGIA, Xabier MIHURA, Miguel MARITORENA eta Jon GAMIO
ARRAIOZ - ZUBIONDO: Aitor ZUBIGARAI, Josu ETXANDI, Mikel ORGANBIDE eta Urki ETXANDI
DONEZTEBE - AMEZTIA: Josu JUANENA, Xabier IBARRAOLA, Unai SAPUPPO eta Julen ETXEBESTE
DONEZTEBE - APEZTEGUIA: Jon APEZTEGIA, Ramon ETXEBESTE, Joseba JUANENA eta Iban SANTESTEBAN
DONEZTEBE - AVIA: Mikel TELLETXEA, Asier MUTUBERRIA, Juan TELLETXEA eta Jokin APEZETXEA
DONEZTEBE - THE MOMENT: Pascual BERTIZ, Julen SAN MIGUEL, Koldo LEGARRA eta Javier BERTIZ
DONEZTEBE - TITI: Eloy GARCIA, Aritz JUANENEA, Iñigo BELARRA eta Dani Pío GARCIA
DONEZTEBE - ZARBO.NET: Javier ALMANDOZ, Xanti UTERGA, Felipe GANBOA eta Koteto EZKURRA
DONIBANE LOHIZUNE - LUZEAN: Pello ETXELEKU, Iñaki MENDIOLA, David ETXEGARAI eta Lander MENDIOLA
IRURITA - MIGUELENE: Xabier BARBERENA, Gorka URTASUN, Egoitz PRIM eta Iñaki ETXANDI
OIZ: Aimar SALDIAS, Ioritz ZELAIETA, Iker BEREAU eta Ugutz ZELAIETA
Lehen kanporaketa, uztailaren 4 eta 5ean
- Arraioz Zubiondo vs Doneztebe Avia, larunbatean 16:30ean.
- Doneztebe Titi vs Doneztebe The Moment, larunbatean 10:30ean.
- Arraioz Sagardia vs Oiz, igandean, 10:30ean,
- Doneztebe Apezteguia vs Doneztebe Ameztia, larunbatean 15:30ean.
Hurrengo faserako, zozketaz, Irurita Migelene sailkatu da. Doneztebe-Zarbonet ere aitzinerat pasatuko da, Donibane Lohizuneko taldeak ez baitzuen posible asteburu honetan jokatzea.