Aguxtin Alkhat kantariak Hutsaren hatsa diskoa argitaratuko du astelehenean. Armendaritzeko (Behe Nafarroa) musikariaren hirugarren lana «minaren ondorengo biziberritze bat da, zauriak erabat sendaturik indartsu iristen den ahots bat». Gaur 'Erre hitza' aurrerapen abestiaren bideoklipa estreinatu dugu.
Alkhatek Berako Atala estudioan grabatu ditu diskoa osatzen duten hamar kantuak, ohikoak dituen musikariekin: Julien Labat (gitarra) eta Xan Bidegain (baxua). Horrez gain, Pierre Sanglak bateria jo du —aurreko diskoetan Felix Buffek egin du— eta Kamila Zubeldiak eta Kiki Graciet ahotsetan eta aho-soinuarekin kolaboratu dute, hurrenez hurren. Diskoa argitaratzeko Hutsaren hatsa zigilua sortu du Alkhatek.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.