Pleura taldeak Gaztea Maketa Lehiaketan parte hartu du

'Erreinua solte' kanta gustagarria aurkeztu du Pleura taldeak EITB Maketa Lehiaketara.

Bozketa fasean dago lehiaketa eta apirilaren 28ra arte eman daiteke botoa

Eskualdeko Olaia Intziarte (Oronoz-Mugairi), Unai Urroz (Doneztebe), Ion Mayordomo (Elizondo) eta Julen Ceballos (Leitza) musikariek osatutako Pleura musika taldeak Gaztea Maketa Lehiaketan parte hartu du.

Hautaketa-prozesuan, epaimahaiak egindako aukeraketaren ondotik, taldekideek lanarekin aitzinera egitea lortu dute eta bozketa-fasean daude dagoeneko. Apirilaren 15ean, atzo, ireki zuten botoa emateko epea eta apirilaren 28ra arte, hau da, hilabeteko hondarreko asteartera arte, hemen eman daiteke botoa. Pertsona berak egunero (egunean behin) eman dezake botoa.

Maketa bozkatuena eta epaimahaiak aukeraturiko bertze hiru finalera sailkatuko dira eta lau hautatuek Bilboko Kafe Antzokian joko dute zuzenean.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun