Baztan, Bera, Ituren eta Narbarteko haurrak biltzen dituen txirrindulari taldeak Urdazubiko Monasterioan egina du bihar hitzordua, 16:00etan. Miguel Indurainek babestuta, aurkezpenean adinaren arabera hainbat mailatan ari diren neska-mutikoak ezagutzeko aukera izanen da. Horrez gain, denboraldi honetako babesleak zein diren ere jakinaraziko dute eta aurtengo proben egutegia ere ezagutaraziko dute.
Aurkezpenaren ondotik zuzendaritzako kideei omenaldia eginen diete eta 17:30ean frontoian ginkana eginen dute. Ondotik jatekoa eta edatekoa eskainiko diete bildutakoei.