Emakumeen Banakako Urrezko Aizkorako sailkapen faseko azken jardunaldia jokatu zuten igandean Oñatin (Gipuzkoa). Maika Ariztegi iturendarraren eta Itxaso Onsalo aresaoarraren arteko lehian, iturendarra izan zen garaile, bere lana 5 minutu eta 10 segundotan bukatuta eta aresoarrak minutu bat gehiago behar izan zuen. Horrela, Maika Ariztegi martxoaren 7ko finalean izanen da Azpeitian, Nerea Sorondo beratarraren eta Irati Astondoa bizkaitarrarekin batera.
23 urtez azpikoak eta harri-jasotzaileak
23 urte azpikoen kanporaketa ere jokatu zuten Oñatin. Suarri eta Gisasola sailkatu ziren (6:32). Ondoren, Basozelai eta Larrea III.a (7:04) eta hirugarren Espeleta eta Zabala (7:39). Azkenak Kañamares anaiak izan ziren (7:51), eta txapelketatik at gelditu dira.
Harri-jasotzen Urdax Magunazelaia izan zen garailea Oñatin, 4.225 kilo jaso zituen eta bere aurkariak 3.375 kilo. Horrela, finalerako sailkatu dira Xabier Peñagarikano (4.525 kilo), Urdax Magunazelaia (4.225) eta hirugarrena Aimar Galarraga (3.375).
Binakako urrezko aizkorako final nagusian Iker Vicente eta Jesus Mari Mujika, Ugaitz Mugertza II.a eta Julen Alberdi Txikia IV.a eta Mikel LarraÒaga eta Jon Rekondo leitzarra izanen dira.