Goizuetan
Otsailaren 4an, Agate bezpera, azkeneko hamaika urteetan urtero koplak kantatuz ibiliko dira Goizuetako kaleetan. Plazan bilduko dira arratsaldeko 18:30ean. Edonork parte hartu dezake, euskal jantziarekin. Makilak prestatuak daudela ere jakinarazi dute.
Leitzan
Leitzan ere, egunean zehar gaztetxoak kantuan ibiliko dira etxez etxe eskean. 18:30ean, helduen txanda izanen da, ALKE kultur taldeak antolatuta plazatik kalejiran aterako dira trikitilariek lagunduta. Makil kolpeen erritmoan, kopla zaharrak abestuko dituzte eta kalejira egin ondoren, karrapean mokadua jan eta egarria asetzeko aukera izanen da.
Ikastoletan
Baztan, Bera eta Lesakako Lehen Hezkuntzako ikasleak ere aterako dira astearte goizean, karrikak kantuz eta musikaz alaituz.