Amalur Nafarroa eta Infogenes Elkarteek eta Lekunberriko eta Larraungo Udalek antolatu dute hitzaldia. Estatu espainiarrean izan diren kasuak izanen dituzte hizpide eta haurtxoen trafikoaren biktimen egoerari buruzko txostena aurkeztuko dute. Frankismoan hasi eta 1990 urtera arteko kasuak aipatuz, lekukotasunak ere eskainiko dituzte; tartea, eskualdeko herritarrenak. DNA azterketek familiak elkartzea ahalbidetu dezaketenez, teknika honen inguruko informazioa ere emanen dute. Amalur Nafarroa elkartetik azaldu dutenez, «kaltetua izan edo ez, edozein pertsona garrantzitsua baita kasuak argitzeko».
Amalur Nafarroa Elkartea
Euren jatorria argitu, familiako kideren bat topatu... helburu desberdinak dituzte 2019an sortu zen Amalur Nafarroa Elkarteko kideek; baina funtsean «senideak berriz elkartu eta gertatutakoa argitu» nahi dute. Taldea irekia da eta bertako kide izan nahi dutenek asteazkeneko hitzaldian ere izanen dute informatzeko aukera.