Zazpi herrialdeetako muslariak biltzen dituen herriz herriko txapelketak aitzinera segitzen du. Azaroaz geroztik, hainbat kanporaketa egin dituzte herriz herri, eta otsailaren 29an Iruñean egitekoa den herrialde mailako finalaren atariko, gehiago jokatuko dira asteburuan. Ttipi-Ttapak hartzen duen eremuaren kasuan, larunbatean Goizuetako Umore Ona elkartean 16:00etan eta Erratzuko ZubiPunta ostatuan 22:00etan izanen dira kanporaketak.