Demografia datuak

Azken 10 urteotan 16 herrik biztanleria galdu dute eta 10 herrik irabazi

Ttipi-Ttapa 2020ko urt. 21a, 08:30

Azken hamar urteotako (2009-2019) biztanleria datuak kontuan hartuz, Ttipi-Ttaparen eremuan dauden 27 udalerrietatik 16tan beheiti egin du bizilagunen kopuruak. Jautsierarik handiena izan dutenen artean daude Ezkurra (% 13,61), Arano (% 13,43), Oiz (% 13,42) eta Beintza-Labaien (% 13,04). Nabarmen goiti egin dutenak, berriz, Senpere (% 11,67) eta Sara (% 10,89).

 

Ttipi-Ttapak hartzen duen eremuko 27 udalerrietatik 16tan urritu da bizilagunen kopurua eta batzuetan nabarmen gainera. Ezkurra, Arano, Oiz eta Beintza-Labaiengo kasuak dira aipagarrienak: %13,61, %13,43, %13,42 eta %13,04 egin dute beheiti hurrenez hurren duela hamar urtetik honat. Bide bera hartua dute Goizuetak (%9,74) Eratsunek (%8,48), Arantzak (%6,86), Urdazubik (%5,16), Bertizaranak (%5,12), Baztanek (%4,31), Urrozek (%4,19),  Zubietak (%3,81), Lesakak (%2,39), Elgorriagak (%1,79), Etxalarrek (%1,22), Aresok (%0,72) eta Leitzak (%0,24).

Donamariako kasuan, 2009an 433 bizilagun zituen erroldatuak eta 2019 ere kopuru berbera du.

Bizilagun kopuruan goiti egin dute gainerako 10 herrien artean Senpere eta Sara dira gehien nabarmentzen direnak, %11,67 eta %10,89 emendatu baitute populazioa hurrenez hurren. Ondotik daude Doneztebe (%4,80), Ituren (%2,82), Saldias (%2,52), Igantzi (%1,59), Sunbilla (%1,35),  Bera (%1,22) eta Zugarramurdi (%0,46).  

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun