Eguerdian Aian, emakumeen bakarkako lehian, Nerea Sorondo beratarra Irati Astondoaren kontra ariko da
Urrezko Binakako Aizkolari txapelketa Eusko Label Sariko jardunaldi bikoitza izanen da ilbeltzaren 19an. Igandean, 12.00etan, Aian (Gipuzkoa), Ugaitz Mugerza eta Julen Alberdi Txikia IV.a arituko dira Ruben Saralegi eta Eneko Otañoren aurka. Lana: kolpeka, erlojuaren aurka, zutik eta etzanda eta iraupen proba. Emakumeek aizkoran banakako neurketa izanen dute. Nerea Sorondo beratarra eta Irati Astondoa bizkaitarra lehiatuko dira.
Harri-jasotze txapelketa ere jokatuko da Iñigo Eizagirre Eiza eta Xabier Peñagarikanoren artean.
Urrezko Aizkolarien bigarren jardunaldia ere igandean izanen da, Iraetan (Gipuzkoa), 18.00etan. Iker Vicente eta Jesus Mari Mujika, Mikel Larrañaga eta Jon Rekondo leitzarraren kontra ariko dira.
Harri-jasotzaileentzat Errota Harria jasotzeko Txapelketa izango da. Xabier Peña, Mikel Lopetegi Urra, Jagoba Otaegi, Beñat Telleria, Inhar Urruzuno eta Jon Gisasola Zelai V.a arituko dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.