Ekitaldian, Nafarroako Gobernuko ordezkariak, erakunde laguntzaileetakoak eta minbizia duten haurren elkarteetakoak izan ziren, baita Javier Urriza, Xanti Uterga, Jose Javier Etxeberria III.a eta Josetxo Ezkurra II.a erremontelariak ere.
Erremonte Fundazioak, hiri bakoitzean lortzen diren sarreretako diruaz gain, Fundazioko aurrekontutik ateratzen den diru-kopuru bat eman zien. Zehazki, Madril, Katalunia eta Aragoiko elkarteei milana euro eman zien eta Nafarroako ADANOri 2.271 euro. Nafarroako elkarteari, gainera, bertze 1.729 euro eman zion, Fundazioak antolatutako bertze ekitaldietan bildutakoak: denera, 4.000 euro.