Nafarroa Garaiko mendialdean irakurle gehien dituen hedabidea
Azterketa egiteko, CIESek Nafarroa lau eremutan banatzen du: Mendialdea, Iruñerria, Erdialdea eta Erribera. Mendialdea deitzen duen eremuan, mendialdeko 111 udalerri sartzen ditu eta hor Ttipi-Ttapa da irakurle-kopuru handiena duena, 32.000 irakurlerekin. Gibeletik daude Sakanako Guaixe astekaria 19.000 irakurlerekin; Diario de Noticias (12.000); Diario de Navarra (10.000); Diario Vasco (6.000); Gara (5.000) eta Berria 3.000 irakurlerekin.
Datu horiek lortzeko oinarritzat hartu den inkesta demoskopikoa urriaren 4tik azaroaren 11 bitarte egin zitzaien Nafarroako 14 urtetik gorako 1.000 pertsonari, eta inkestaren konfiantza-maila % 95ekoa da.
